遊戲新聞

作為一個遊戲人,每天尋找新奇有趣的遊戲已經成為了生活的一部份,因此小編會把一些有價值、或是備受注目的遊戲一一記錄起來,讓各位遊戲同好者一同分享。

讚好我們

|

 

遊戲新聞

一個港豬的話!

一個港豬的話!

一隻港豬的自白?其實我只係一個每天只會玩遊戲的香港小市民。

我知道好多人都會話所謂既中立人,都一定係偽中立,一定係偏幫警察。佢地都會認為一個中立撚就應該繼續中立,唔應該對任何一邊作出批評,因為「哭泣聲絕無意義 它不會扭轉分開的心意」。

但係我相信任何一個愛護香港既人,都唔希望有今時今日既事發生,都會希望政府能夠實行有效既政策,讓每一個努力工作既人得到應有既回報。

 

治亂世用重典?NO!

近日有人提到「治亂世用重典」。其實真係好抿滅人性。

作為一個文明社會,運用暴政去打壓市民絕對唔係一個聰明既做法,尤其係資訊發達既年代,政府既做既事,好快會就迅速傳聞開去而成為醜聞,成為其他國家既攻擊點。所以我好唔認同,政府絕對唔應該用攬炒既方式黎應對!唔好再轉牛角尖啦!

反而,我覺得政府應該要允現承諾,誠心理解市民既需求,以退為進,絕處才可以逢生。

 

應用返政府一句說話「辦法總比困難多」

一個人有信念,相信一定可以有辦法,就會不斷地去尋找方法,直到成功。

相反一個沒有信念的人,總是會為自己找各種各樣的藉口,為自己開脫,安慰自己,逃避現實,走向一個接着一個的失敗。

 

首先:我認為讓步係一個解決辦法,但點解要警隊做先?

係網絡既影片曾經見過有警察講:「點解你唔叫示威者停止暴行先?」

示威者無一個真正領袖,每個人都有自己既想法,無人可以代表自己。

「兄弟爬山,各有各做」既情況下,又點可能有辦法讓示威者集體割席?

 

讓步

相反,警察係一個政府所管治既一個紀律部隊,係一個需要百成百服從上司命令既團隊。

只要管理層一聲令下,就可以讓整個團隊退一步。

所以讓步一定係要由政府做先。

 

遊行申請

面對示威者從正常途徑申請遊行,政府應該要發出不反對通知書,

因為示威係法例給予香港市民既權利,如果連小小既權利政府都唔批準,又點樣叫市民信相政府?

 

任由破壞!Why not?

或者警察會問「咁如果示威者繼續破壞,就任由佢地破壞?」Why not?

示威者成日都話「亂都係因為警察亂執法,亂都係因為有警察既出現」。

如果真係無警察,係唔係真係就會和平?定係會繼續破壞呢?(我都好想知道答應)

 

真正既暴徒

真正既暴徒,佢地一定會繼續做出過份既行為去挑釁警方,迫使警方使用武力。

但係前線既警員又係唔係真係可以能夠準確判斷一個人是正是邪?你估佢地係關谷英咩?

如果警察都無能力去判斷既時候,又如何能夠正確執法?

 

與其禁止,不如放寬?

人多既地方就要管制?管制就會有效?

香港一直都係一個紀律性高既地方,香港安全並唔完全係因為警隊既能力,而係香港市民素質好。

所以我認為,警察應該要退一步,讓市民體驗「允許示威的同時,並處於無警察狀態下」既狀況。

我相信市民眼睛係雪亮既,如果無警察既情況下,繼續發生暴行,和平示威者好自然會對唔岩既事說「不!」

相反,如果事件真係可以平靜落黎,咁何樂而不為?大家的目的不就是這樣?

 

如果政府驚企業投訴,咁咪成立個保險基金,補助受損害既企業,實行用者自付既原則,讓香港市民一起承擔。

 

查警?審警?

示威者其中兩個口號「721、831」。

我相信大家都好清楚,絕對係警察既污點。

對於執法不公既情況,政府就算唔成立獨立調查委員會,係唔係都應該同警察溝通下,重新審視當時警察既執法過程呢?

 

「做法不完美,但可接受,要改善」既情況下

政府係唔係應該提出切實可行既解決方法?

例如唔好再亂射催淚彈?又或者誓言如果警察再次遇到事件,定必盡快增援以阻止罪案發生,而並非把責任推卸到示威者身上?

「因為各區示威,所以警隊人手不足導致罪犯發生」真係好難接受。

 

唔好再用對付黑社會既手法對付市民

今時今日的香港警察,用左好耐以往用黎對付黑社會既方法,

因此導致許多香港市民既反抗。

開燈,查牌查身份証罰企,武力壓制,

相信好多人都知道係警察一貫用黎對付黑社會既處事手法。

但係用同樣既手法黎應對示威者又係唔係一個良好既方法?

示威者同政府,並唔係一邊係正一邊係邪,

因此警隊真係好需要去重新檢討應對示威者既方法。

示威者同警方真係唔應該係敵對關係。

希望警方能夠重新表明立場,唔好再阻撓示威者發表意見,

成為中立既一方,讓市民重新信任警察。

 

關於樓價問題

除了一般示威問題,我亦相信好多市民都會埋怨香港樓價太高,市民負擔唔到,但係如果壓低樓價又會令剛剛上車的市民倫為負資產。

其實出現咁既情況,我覺得好大原因係因為全球都實行緊量化寬鬆印銀紙,

一些位於「風眼區」國家既市民,好自然就會將錢投資到去其他國家避免因為國家貨幣貶值而蒙受損失,

而香港就正正因為其他國家既過份投資導致樓價一直升既受害者。

 

所以如果政府壓低樓價

所以如果政府壓低樓價,只係會令一些量化寬鬆既國家用更少既成本購入單位,問題並唔會因此而解決。

所以我認為政府應該做既事,並唔係應該壓低樓價,相反係應該想辦法讓市民財富增值,讓努力工作的市民得到應有既收入。

例如讓月入低於3萬,同時工作時數達標既市民獲得資助,

又例如將賣地既收益回饋返香港市民(例如香港出生/居住滿30年以上既人),

推高樓價之餘又能夠讓真正既永久居民有能力上車,同時增加外國人的買樓成本。

 

懸賞千萬找出路?其實解決方法可能好簡單。

Maybe you should just push that button.

有時候放手一搏,結果不一定成功,但至少你把握住了機會,並且嘗試過了。

 

小編並唔知道自己所講既野到底有幾多成岩,有幾多成錯

如果有錯,亦希望大家能否救救我這個只會玩遊戲的港豬。以下開放留言。

 

最後一句:

香港人,加油!

同時希望唔好再有暴力出現,不論警察還是示威者。

希望唔好再有人因此而受到傷害。

 

遊戲資料

遊戲名稱:一個港豬的話!

遊戲官網:

遊戲平台:Android IOS

上架狀態:已推出

 


※如需直接下載本遊戲的APK檔,請於下方留言給小篇,小篇會盡快處理

 

資料報導BY青怡:http://yeeapps.com/

相關新聞
一個港豬的話!

一個港豬的話!

消息日期:2019-11-30

一隻港豬的自白?其實我只係一個每天只會玩遊戲的香港小市民。...

{繼續閱讀}

贊助小編

●經營網站或多或少都需要營運成本,假如能夠有你的支持,小編定必心存感激,更落力的為大家制作攻略情報。

前往「贊助本站」頁面

討論板

本站搜尋

留言板


本網站刊登之所有文字,設計均受版權法保護 嚴禁擅自複製‧轉載
如有任何查詢歡迎電郵件 [email protected]